الفرق بين الضريبة العقارية وضريبة التصرفات العقارية وضريبة الثروة العقارية

 🔴إذا كنت تمتلك وحدة سكنية، فما هى الضرائب التى يمكن ان تدفعها؟

🔴 بطريقة مبسطة

 🔴توجد 3 انواع من ضرائب العقارات تعرف عليهم؟

الفرق بين الضريبة العقاريةو التصرفات العقارية وضريبة الثروة العقارية ؟

🔴أولاً: ضريبة عقارية

🔴ثانياً: ضريبة ثروة عقارية

🔴ثالثاً: ضريبة تصرفات عقارية

أولاً : الضريبة العقارية

تفرض على ملكيتك للعقار سواء كنت تسكن فيه أو مغلق أو مؤجر للغير وتحسب كما يلى:

1- تقوم لجان الحصر والتقدير بتقدير القيمه السوقيه للعقار ولتكن مثلاً 2.000.000 جنيه.

2- يتم حساب الضريبة العقارية كما يلى:

1- حساب القيمه الرأسماليه للعقار: القيمه السوقيه × 60% = 1.200.000 جنية.

2- حساب القيمه الإيجارية السنويه: القيمه الرأسماليه × 3% = 36.000 جنية.

3- حساب صافى القيمه الإيجارية: القيمه الإيجاريه × 70% = 25.200

(تم إستبعاد 30% من القيمه الإيجاريه السنويه مقابل مصاريف الصيانه)

4- حساب وعاء الضريبة العقارية: صافى القيمه الإيجاريه – 24.000 = 1.200 جنية.

(يتم إعفاء مبلغ 24.000 من صافى القيمه الإيجاريه السنويه وذلك بالنسبه للسكن الخاص الرئيسى فقط، أما السكن الخاص الإضافى أو المصايف فلا يتمتعوا بأى إعفاءات)

5- الضريبة العقارية: وعاء الضريبه العقاريه × 10% = 120 جنية سنوياً.

🔴ثانياً: ضريبة الثروة العقارية

تفرض عندما تقوم بتأجير وحدتك السكنية للغير ويتم حسابها كما يلى:

• إذا كانت قيمه الإيجار السنوى من واقع العقد المبرم بين المالك والمستأجر عن عام 2018: 18.000 جنية مثلاً والضريبه العقاريه المسدده عن العقار 120 جنيه، فيتم حساب ضريبة الثروه العقارية كما يلى:

1- يتم إستبعاد 50% مقابل جميع التكاليف والمصروفات ويتم أيضاً إستبعاد الضريبه العقاريه المسدده عند حساب وعاء الضريبة:

وعاء ضريبة الثروه العقارية = (18.000 × 50%) – 120 = 8.880 جنية.

2- يتم حساب الضريبة وفقا لأسعار الضريبة التصاعديه على دخل الأشخاص الطبيعين كما يلى:

الشريحة الأولى: 8.000 جنية معفاه فى السنه.

الشريحة الثانية: أكثر من 8.000 حتى 30.000 جنية = 10%

الشريحة الثالثه: أكتر من 30.000 حتى 45.000 جنية = 15%

الشريحة الرابعه: أكتر من 45.000 حتى 200.000 جنية = 20%

الشريحة الخامسه: أكتر من 200.000 جنية = 22.5%

ويتم منح خصم ضريبى خاص للأشخاص الطبيعين الذين تقع دخولهم فى الشريحه الثانيه 85%

3- الضريبة المستحقه تحسب كما يلى:

8000 الأولى : معفاه

880 التالية ×10% = 88 جنيه.

4- صافى الضريبه المستحقه بعد إستبعاد الخصم الضريبى = 88×15% = 13.2 جنيه

فى حالة قيام مالك العقار بتأجيره للغير تفرض عليه ضريبة عقارية وضريبة تصرفات عقارية معاً مما يسبب حدوث إزدواج ضريبى وعالجه المشرع بالسماح بخصم الضريبة العقارية المسدده من وعاء ضريبة الثروه العقارية المستحقة على الممول.

🔴ثالثاً : ضريبة التصرفات العقارية :-

تفرض عند قيامك ببيع وحدتك السكنيه بواقع 2.5% من قيمه التصرف.

مثال : إذا قمت ببيع وحدتك بمبلغ 1.000.000 جنيه.

فأن ضريبة التصرفات العقارية المستحقة = 1.000.000 × 2.5% = 25.000 جنية

الوقاية من الإصابة بسرطان القولون

سرطان القولون

الفترة اللي فاتت الاورام الخبيثة انتشرت بشكل كبير ..و اورام القولون بصفة خاصة

وبحكم تجربتي مع هذا الورم اللعين بقولكم

الوقاية مهمة جدا.... وان العادات الغذائية السيئة سبب رئيسي في انتشار أورام القولون بشكل كبير..

الملاحظات اللي جاية دي مهمة جدا جدا ليك ولاولادكم و لأهاليكم..

١- جوع كتير.. صوم .. الجسم بعد صيام مدة طويلة بياكل الخلايا الخبيثة .. البحث ده خد نوبل السنة اللي فاتت..

٢- قل بسم الله الرحمن الرحيم قبل أي أكل او شرب

٣- قلل سكرك علي قد ما تقدر.. العادة خلتنا ننسي طعم الحاجة وبنشرب وبناكل سكر لأنه الخلايا السرطانية بتتغذي علي السكر

٤- حاولي علي قدماتقدري ما تاكليش برة نهائيا ..اعملي اكل برة جوة البيت.. علي قد ماتقدري.

٥- كل فاكهة .. كل خضار كتير.. اغسلهم كويس بمياة والخل .

٦- إشرب مية نضيفة معدنية من شركة محترمة او فلتر كويس وتابع صيانته بإستمرار

٧- حاولي علي قد ماتقدري تقللي استخدام الميكروييف ...خلي اكلك طازة احسن

٨- الزيت اللي تقلي بيه مرة ارمية.. وماتستخدمهوش تاني.. خليكي كريمة مع اهل بيتك ونفسك. وبالله عليكي ماتحطيش البطاطس والفلافل المقلية علي ورق .. خلي دائما مناديل المطبخ متواجده معاكي في مطبخك .

٩- لو بتدخن ..بطل دلوقتي .. ولو مش بتدخن احمد ربنا علي النعمة دي وحافظ عليها .

١٠- لو بتقدر تجري اجري لومش بتقدر امشي كتير.. روح جيم ..العب تمارين في البيت ..الحياة حركة .

١١- نام كويس خالص.. نام كتير .. نام بدري.

١٢- متشربيش عصير معلب ابدا ..اعملي عصير فريش اشربيه انتي واولادك.

١٣- بلاش مياة غازية بالله عليكم ..تخلص من العادة دي فورا .. مش هتستفيد حاجة وهتخسر كتير

١٤- ماتحطش الفتلة ولا الكيس بتاعهافي المية السخنة .. فضيها جوة المج وضيف عليها المية السخنة

١٥- اوعي تشرب حاجةسخنة في كباية بلاستيك .. البلاستيك بيتفاعل مع الميةالسخنة والنتيجة مش هترضيك .. الموضوع منتشر جدا في القطار و المواصلات والمؤتمرات.... الخ

١٦- إشرب قهوة .. بلاش نسكافية..بلاش كريمر.. انت مش عارف تصنيعه ازاي.

١٧- لو معدتك مفيهاش مشاكل.. إبلع قرصين ثوم كل يوم.. قبل الأكل اوبعده مش فارقة كتير..الثوم من مضادات الأكسدة القوية جدا .

١٨- ماتحطيش المياة في الثلاجة في زجاجات بلاستيك .. حطيها في زجاج .. ولو مفيش اتأكدي ان رقم 5 مرسوم علي البلاستيك ..ده اكتر بلاستيك آمن .

١٩- ابعدي عن اللحوم المصنعة خالص..سوسيس .. برجر .. لانشون .. بسطرمة.. ولحمة مفرومة ..

هاتي لحمة من الجزار وخليه يفرمها ..انتي مش عارفة ايه اللي مستخبي جوا كل مكسبات الطعم دي.

٢٠- حاول ماتاكلش بعد المغرب اكلات ثقيلة .. الأيض الغذائي بيقل بالليل ..كل فاكهة .. كل زبادي .. كل جبنة قريش.

ختام.. احمي نفسك وعيلتك .. المرض وحش .. وحش جدا ..

إستمتع بالأكل والشرب.. بس كل اكل صحي وإشرب شراب صحي .

                  عافانا الله وإياكم من كل سوء 🤲🤲🤲

تغليظ عقوبة التنمر ضد ذوي الهمم

 • لايمكن لأحد أن ينكر حجم تفشي ظاهرة التنمر خلال الاونة الأخيرة لذوي الإعاقة من خلال مواقع التواصل الإجتماعي «فيسبوك» وبشتي الطرق وفي كافة مناحي الحياة، مشيرًا إلى أنها باتت إشكالية تعوق المعاقين في مصر، خاصة وأنهم لا يملكون القدرة على رد العدوان، أو معرفة مصدره في بعض الأحيان، مما ينتج عنه أضرار نفسية لأشخاص ذوي الإعاقة.

•  فقد احتوت التعديلات الجديدة أنه يعاقب المتنمر على الشخص ذى الإعاقة بالحبس مدة لا تقل عن سنتين وبغرامة لا تقل عن 50 ألف جنيه ولا تزيد عن 100 ألف جنيه أو إحدى هاتين العقوبتين وهي عقوبات عادلة .

• وأن تكون العقوبة الحبس مدة لا تقل عن 3 سنوات ولا تزيد على 5 سنوات وغرامة لا تقل عن 100 ألف جنيه ولا تزيد على 200 ألف جنيه أو بإحدى هاتين العقوبتين إذا وقعت الجريمة من شخصين أو أكثر أو كان الفاعل من أصول المجنى عليه أو من المتولين تربيته أو ملاحظته أو ممن لهم سلطة عليه أو كان المجنى عليها مسلما إليه بمقتضى القانون أو بمقتضى بحكم قضائى أو كان خادما له.

• ما إذا اجتمع الطرفان فيضاعف الحد الأدنى للعقوبة، وفى حالة العودة تضاعف العقوبة في حديها الأدنى والأقصى .

المطالبة بإلغاء إيصالات الأمانة نظرا لسوء استخدامها

 •أفرد التشريع الجنائي العقابي نصاً خاصاً لجريمة خيانة الأمانة ووضع لها عقوبة الحبس التي تصل مدته إلى ثلاث سنوات، نص عليها على سبيل الحصر في المادة (341) من قانون العقوبات منها عقد الأمانة أو ما جرى العرف على تسميته إيصال أمانة، ونوضح كل ما يتعلق بذلك.

* و لخطورة هذا العقد لما أسبغه عليه المُشرع من حماية جنائية فقد أشترط المشرع شروطاً لابد من توافرها مجتمعة في هذا العقد ـ من الناحية الواقعية – لكي نعتبر من لا يقوم بالوفاء بموضوع هذا العقد خائناً للأمانة ومبدداً.

                             شروط إيصال الامانه

1- أن يكون محل هذا العقد مبلغ من النقود.

2- أن يكون قد تم تسليم النقود بالفعل من يد الدائن إلى يد المستلم.

3- أن يقوم المدين ـ مستلم المبلغ ـ بتبديد هذا المبلغ المالي وعدم تسليمه عند طلبه كما هو متفق عليه وفي هذا كله أحسن المشرع صنعاً بإفراده نصاً يجرم خيانة الأمانة ليضمن استقرار المعاملات في المجتمع وكضمان قانوني لمن يقوم بتسليم غيره مبلغاً من النقود إما لتوصيله لطرف ثالث وهو إيصال الأمانة ذو الثلاث أطراف أو ليطلب المبلغ ويأخذه عند الطلب أو كما هو متفق عليه في إيصال الأمانة بين طرفين فقط، إلى هنا نتفق مع هذا التشريع ونقره.

•إلا أن الواقع العملي يشهد في كثير من الأحيان عكس ذلك، إذ أن تسعون بالمائة على أقل تقدير من إيصالات الأمانة غير صحيح من الناحية الواقعية لعدم اكتمال أركانها التي نص عليها القانون إذ أن المعترف به في المعاملات التجارية أن التجار رغبة منهم في حسن تحصيل أقساط الديون لدى عملائهم يلجأون بالمخالفة للواقع والقانون إلى تحرير إيصالات أمانة للضغط على العملاء لسرعة السداد نظراً لما لإيصال الأمانة من حماية جنائية غير متوافرة للأوراق التجارية “الكمبيالة أو السند الأذنى”.

•و لأن العملاء بسبب الأحوال الاقتصادية يرغبون في إتمام البيوع فإنهم يوقعون على إيصالات الأمانة رغم عدم توافر أهم شروطها وهو تسلم المبلغ المدون في الإيصال فعلياً، بل الأدهى من ذلك أنه في الغالب يتم توقيع الإيصال دون أن يذكر فيه المبلغ أو حتى اسم المستفيد وهو ما يسمى (إيصال على بياض) فيقوم بعد ذلك من حرر لصالحه الإيصال بكتابته بأي مبلغ يراه وفي العادة يكون مبلغ كبير للغاية عن القيمة الحقيقية للدين وذلك للضغط على المدين من ناحية لتشديد العقوبة ومن ناحية ثانية لكي تكون قيمة الكفالة عالية فيعجز عن دفعها المدين مفضلاً سداد الدين ومن ناحية ثالثة ليضمن الدائن عدم مماطلة المدين ووصوله لأخر مراحل التقاضي ثم سداد قيمة الإيصال في المحكمة إذا رفض الدائن استلامها بعد طول المدة، مما يضر أشد الضرر بالبسطاء.

•فالعديد ممن يقضون عقوبةالحبس سنوات قد تصل ل ٣ سنوات ويخرج بعدها صاحب سابقة إجرامية ما كان له من ذنب جناه سوى انه بسيط الحال وأراد أن يدخل السعادة على أولاده فاشترى لهم سلعة معمرة وتعثر في سداد إقساطها فحكم عليه بالحبس في تهمة لم يرتكبها إذ إنه لم يكن خائناً ولم تكن هناك أمانة من الأساس سلمت إليه. والوضع الطبيعي لاقتضاء هذا الدين هو المطالبة القضائية المدنية فإذا لم يقم بالسداد يتم الحجز على أي شيء يمتلكه بقيمة الدين دون حبسه كما أسلفنا.

• ونظراً لما تم سرده نرجو من المشرع أن ينظر لهذا النص نظرة واقعية، من ناحية للحفاظ على البسطاء من الحبس بسبب ديون أصلها مدني، ومن ناحية ثانية إلا نشغل وقت القضاء الجنائي في مسائل يجب ألا تعرض عليه ليتفرغ للقضايا الهامة لإحقاق الحق فيها.

أيهما أقوي التوقيع أم البصمة

             💥 التوقيع أم البصمة .

💪 البصمة لها قوة أكبر من التوقيع على المستندات لأن البصمة واحدة لا تتكرر ولكن يمكن تقليد التوقيع بدرجات مختلفة من الاتقان ..

                                  ولكن

💪 التوقيع أقوى في مواضع أخرى ، فمثلا يمكن أخذ بصمتي وأنا نائم أو في حالة غياب عن الوعي ولكن لا يمكن أخذ توقيعي من يدي إلا في وعي ودراية مني وكذلك أن يتم أخذ البصمة بصورة خاطئة ولا تصلح للمضاهاة ..

✍️ يعتبر السند صحيح وملزم باعتبار أن القانون في معظم الدول اشترط وجود التوقيع أو البصمة او كلاهم، ولم يشترط اجتماع التوقيع مع البصمة لإثبات صحة المستند ..

✅ بخلاف المشرع الفرنسي الذي لم يكتفي بالبصمة فقط لاعتبار السند حجية على الباصم بل اشترط مع البصمة وجود الكتابة أو التوقيع واعتبر التوقيع اقوى من البصمة .

🌟 ( قررت محكمة النقض الفرنسية أن بصمات الاصابع لا تعادل الامضاء وعلل ذلك بأن بصمة الأصبع قد توضع سهوا أو عن غير قصد من قبل شخص على ورقة ما أثناء تداولها أو في حالة مرضه وغيبوبته فلا تكون بصمة الأصبع على السند كافية للتحقق من موافقته على مضمونه بصورة اكيدة ))

                       💢 الخلاصة ..

وبخبرتي  أنصح أن يتم التوقيع على المستند بالتوقيع الإملائي المقروء (الاسم رباعي مثلاً) ..

وتزيد قوة السند بوضع بصمة أسفل التوقيع لأصبع الإبهام بشكل صحيح وواضح وبالتالي تكون قد منحت المستند قوة إثبات بالتوقيع والبصمة ..

الطلاق لعدم الانفاق

 ✍️نص القانون رقم ٢٥ لسنة ١٩٢٠ 

بإصدار قانون بشأن أحكام النفقة وبعض مسائل الأحوال الشخصية في القسم الثاني منه على حالات العجز في الإنفاق على الزوجة.

• فنصت المادة 4 منه على أنه إذا امتنع الزوج عن الإنفاق‏ على زوجته فان كان له مال ظاهر نفذ الحكم عليه بالنفقة في ماله فان لم يكن له مال ظاهر ولم يقل إنه معسر أو موسر ولكن أصر على عدم الإنفاق‏ طلق عليه القاضي في الحال. وإن ادعى العجز فان لم يثبته طلق عليه حالا وان أثبته أمهله مدة لا تزيد على شهر، فان لم ينفق طلق عليه بعد ذلك.

• كما نصت المادة 5على أنه إذا كان الزوج غائبا غيبة قريبة فان كان له مال ظاهر نفذ الحكم عليه بالنفقة في ماله وان لم يكن له مال ظاهر أعذر إليه القاضي بالطرق المعروفة وضرب له أجلا فان لم يرسل ما تنفق منه زوجته على نفسها أو لم يحضر للإنفاق عليها طلق عليه القاضي بعد مضي الأجل.

 * فإن كان بعيد الغيبة لا يسهل الوصول إليه أو كان مجهول المحل أو كان مفقودا وثبت أنه لا مال له تنفق منه الزوجة طلق عليه القاضي، وتسري أحكام هذه المادة على المسجون الذي يعسر بالنفقة.

• و قد نصت المادة 6 على أن تطليق القاضي لعدم الإنفاق‏ يقع رجعيا وللزوج أن يراجع زوجته إذا ثبت إيساره واستعد للإنفاق في أثناء العدة فان لم يثبت إيساره ولم يستعد للإنفاق لم تصح الرجعة.

كيفية التعامل مع شخص عنده Over thinking & Anxiety

 إزاي تعمل علاقة ناجحة مع شخص عنده Anxiety و Over thinking؟ 

هتمتع بقدر من الشجاعة وأكتب في هذا الموضوع ده لسببين:-

 أولا : لإني تعبت وزهقت شخصيًا من إني أشرح الحوار ده لكل واحد لوحده.. الموضوع بقى حقيقي مرهق .

 ثانيًا: عشان يمكن تكونوا تعرفوا حد كدة أو انتوا شخصيًا كدة فأفهمكم شوية تفاصيل جايز آخد ثواب.

فيه حاجة اسمها Anxiety و Anxiety disorder و دول ترجمتهم الحرفية القلق واضطراب القلق..عادة القلق ده بيكون مرتبط بمشكلة تانية هي الـ Overthinking أو الإفراط في  التفكير..دول عرضين نفسيين بيجي معاهم  أعراض تانية زي الأرق والصداع أحيانًا ومشاكل الجهاز الهضمي واضطرابات التغذية زي النهم الشديد أو إنعدام الشهية والبكاء بلا سبب وحاجات تانية من غيردخول في تفاصيل مملة.. حاجة شبه فكرة المتلازمة في الأمراض العضوية. 

 نرجع للقلق والإفراط في التفكير.. عايز أتكلم أكتر عن تكوين العلاقة مع الشخص إللي عنده المشكلة دي، أيًا كان نوع العلاقة صداقة أو زواج أو حتى علاقة عاطفية هحاول أقرب ليكم الشخص ده بيحس بإيه عن طريق بعض الأمثلة..

مبدئيًا الشخص إللي عنده Overthinking دماغه مش بتقف عن التفكير حتى وهو نايم وبيتعذب جدًا بسبب ده طول اليوم..بيفكر في أمور جادة جدًا وعادةً سلبية في كل وقت حتى وهو بيتفرج على فيلم في السينما، حتى وهو بيستحمى وبياكل، حتى وهو بيصلي..لو ربنا إدالك نعمة إنك تدخل الـNothing box شوية وتسرح في اللاشيء، فهو فعلا ما يعرفش يعني إيه نوثينج بوكس..عمره ما جرب إنه مخه ما يبقاش بيلف زي الخلاط..ومن كتر تسارع الأفكار في مخه بيحس كأنه فيه حد ماسك شاكوش وبيدق مسامير في دماغه..بيدخل بعدها في حالة تشبه حالات الهوس، بيبقى عنده رغبة شديدة في الكلام وغنه يطلع كل مشاعره وأفكاره دي فورًا بعد Over dose التفكير إللي هيجيب أجله، علشان كدة هتلاقيه ساعات بيرغي بلا توقف وبيتكلم بسرعة جدًا وممكن يعيد نفس المواضيع إللي اتكلم فيها 100 مرة.. إنت فاكره ممل وما بيزهقش بس الحقيقة إنه مخه بيفضل يعيد ويزيد في نفس الفكرة بمحاور مختلفة كل يوم..

دايمًا مضطرب وقلقان في علاقاته وإفراط التفكير بيخليه يسأل نفسه طول الوقت.. هو أنا غلطان؟ هو أصحابي بيحبوني؟ هو حبيبي بيحبني؟ هو أنا المفروض أقول كدة؟ هو كان متعود يتصل بيا ليه بطل يتصل..أكيد أنا عملت حاجة غلط؟  لو شفت رسالته وما ردتش عليه بيصبر شوية وبيستحمل، بس بعد شوية الأفكار بتتمكن منه: أكيد هو عيان..أكيد فيه مشكلة..ممكن يوصل بيه التفكير لو اتأخرت عليه كام يوم أو اتغيرت معاه في المعاملة كام يوم إنه يفكر إنك خلاص مش عايز تعرفه تاني! تخيل مدى ألمه وهو بيترجم تصرفاتك إنك مش بتحبه ومش عايز تعرفه تاني؟!  إنت بتبقى فاكره بيزن أو بيتدلع أو مقموص لما بيقعد يقولك مالك رد عليا، أو يتصل بيك كتير، لكن هو الحقيقي بيبقى محتاج جملة واحدة بس تريحه علشان يعرف ينام..لإنك بتبقى قاعد في بيتك بتتفرج على فيلم أو نايم (وده طبعًا مش ذنبك ومحدش يلومك وإنت مش مقصر في أي حاجة) بس هو بيبقى حرفيًا عايش ساعات سودة مستنيك تظهر وتطمنه إنه كل أفكاره المجنونة دي مالهاش أساس من الصحة فبيبقى لا على حامي ولا على بارد علشان نفسه يستريح علشان يعرف يعيش يومه عادي زي الناس الطبيعية.

اوعى في لحظة تكون فاكر إنه يقدر يتحكم في ده بسهولة..الموضوع صعب جدًا.. هو مش بيقدر يمنع نفسه إنه يفكر أو يتصرف كدة وبيلوم نفسه طول الليل والنهار وعلطول حاسس بالذنب وحاسس إنه عبأ على أصحابه وحبايبه.

مفيش غير سيناريوهين مع الشخص ده: 

يا مش هتعرف تتعامل معاه ومش هتفهمه وهيفضل يحس طول الوقت إنه تقيل وزنان ورخم ومع الوقت الإحساس ده هيوجعه فهيبعد عنك وعلى قدر ألمه وتحمله وحبه ليك على قد ما هيصمد معاك،  يا إما هتعرف مفتاحه وهتكسبه خصوصًا وإن الشخص ده بيقدر جدًا الناس إللي بيفهموه وبيتعاملوا مع مشكلته لإنهم فعلا قليلين..

مفتاح الشخص ده هو كلمة واحدة "الأمان"..كل إللي الشخص ده محتاجه لو إنه يحس بالأمان كل ما تجيله فكره سلبية كبيرة وإنت مع الوقت خلاص بتعرف السيناريوهات إللي بتدخله في  مود التفكير ده ده. لما بيقولك هو أنا وحشتك؟، لما بيزن كتير، لما بيقولك هو إنت زعلان، لما بيقولك فينك مختفي، لما بيقولك إنت متغير معايا، لما بيقولك فاكر زمان لما كنت بتعمل كذا..دي جمل معناها إنه متهدد وقلقان ومضطرب ومش محتاج أي حاجة أكتر من جملتين تلاتة بس حلوين و  إيجابيين وهو هيبقى تمام..مش محتاج أكتر من مكالمة دقيقة..رسالة..أغنية لطيفة..ساعات بيبقى كل إللي محتاجه إنك حتى تعمله لايك..اللايك الهبلة دي ممكن تشيل من دماغه فكرة سلبيه مجنناه ويقول لنفسه: " لا لا هو مش زعلان مني ولا حاجة ده حتى لسة عاملي لايك من شوية..أنا على باله أهو".

  لو عندك Overthinking و Anxiety ابعت الموضوع لأصحابك وحبايبك وقولهم ده أنا، وأنا بحبكم وعايزكم جنبي